Kjartan Fløgstad
“Eit stolt og vakkert namn”
Kjartan Fløgstad bodde i Bjørnevatn fra 1980 til 1985. Her lærte han hvor forskjellig livet i dette området er fra resten av Norge, og her var han også nabo med gruvearbeidere som kjempet for jobbene sine i gruvene til AS Sydvaranger. Det har inspirert han til ei støtteerklæring. (Foto Rolf Randa SVA)
NORDENS KLIPPE
Også på grunn av det stolte og vakre namnet fortener arbeidarforeninga Nordens Klippe eit verdig minnesmerke. «Ned med tronen, alteret, pængeveldet» var parolen på den første fana til foreninga, som dermed markerte seg mot kongehus, kapital – og mot kristendommen.
Men språkets list kan vera mangfaldig. Skarpe lesarar har peika på at den kristne kyrkja bygger på eit ordspel, når Jesus Kristus i Matteusevangeliet 16,18 seier at «Du er Peter, og på denne klippen vil jeg bygge min menighet.» På gresk og latin betyr Petros og Petrus klippe, slik at kyrkja bygger på samanfallet mellom klippa og namnet til apostelen Peter.
Slik får oppstarten til den opprørske arbeidarforeninga Nordens Klippe djupe gjenklangar av historie og religiøsitet: Under raude banner samla arbeidsfolket seg den 8. september 1906 på Kirkenes og erklærte at vi står samla, og på denne klippe høgt mot nord vil vi stifta vår fagforening.
Kjartan Fløgstad